Talumpati | Filipino Sa Piling Larang (Malikhaing Portfolio)

Talumpati

Ang talumpati ay pamamaraan upang magpahayag ng saloobin, adhikain, damdamin at impormasyon. Kung maalam ka sa isang isyu, pwede mo ito gawan ng talumpati upang mailahad sa mga nakakarami ang pananaw mo sa problema. Mapapansin mo rin ito sa mga kumakandidatong politiko, ginagamit nila ito gamit ang makabagbag damdamin na talata para hikayatin ang mga mamamayanan na piliin sila. Ngayon ay pag-aaralan natin kung ano, uri, bahagi, layunin, halimbawa at kung paano ba gumawa nito.  

Ano Ang Talumpati?

Ang Kahulugan ng talumpati ay pagbibigay ng kaisipan o opinyon ng isang tao para maibahagi sa pangkat o grupo.

Uri ng Talumpati

•  Pampalibang

  Ginagamit sa pagpapatawa o di naman kaya pagkatapos ng pagsasalo-salo.

•  Nagpapakilala

  Ginagamit sa pagpapakilala para ibigay ang kanyang husay sa pagsasalita.

•  Pangkabatiran

  Ginagamit ito madalas sa politika

•  Nagbibigay-galang

  Ginagamit na pansalubong ng panauhin o bisita

•  Nagpaparangal

   Ginagamit madalas kapag graduation o di naman kaya sa patimpalak

Layunin ng Talumpati

- Mag-paalam (Pagbibigay impormasyon)
- Mang-aliw
- Manghikayat.

Bahagi ng Talumpati

• Pamagat

Layunin mo.

• Katawan

Paksang iyong tatalakayin

• Katapusan

Buod ng mga talata

Paano Gumawa ng Talumpati?

• Mag-isip ng paksang tatalakayin (eg. Panlipunan gaya ng Teenage Pregnancy)
• Isipin kung anong uri at layunin ng talumpati ang ilalahad
• Gawin ang bahagi ng talumpati.

Pagkakaiba ng Tula at Talumpati

Ang tula ay gumagamit ng magkakatunog sa bawat hulian ng pangungusap, meron rin itong sinusunod na sukat. Gumagamit ng malalim o matatalinhagang salita, ngunit ang nilalaman ay bukas sa maraming interpretasyon. 

Ang Talumpati sa kabilang banda ay walang sinusunod, malaya kang magsulat, matalinhaga man o hindi, magkakatunog man o hindi, pormal man o impormal na pananalita pero wag kakalimutan, na dapat may layunin ang nilalaman nito at binabase sa tinatamaang mambabasa o manonood kung anong stilo ang gagamitin. Ang tula anumang mambabasa ay dapat matatalinhaga pa'rin ang salitang ginagamit at sumusunod sa sukat.

 

Halimbawa ng Talumpati

Nandito pa ang mga Talumpati na hindi mo pa nakikita.

Talumpati tungkol sa pandemya

Tinatamaang mambabasa : Mga estudyante

"Online Class vs Offline Class"

Nabaliktad ang pag-aaral nating mga estudyante nung lumaganap ang pandemya. Kung tatanungin kita, mas maganda bang pumasok sa tunay na paaralan? o pumasok sa paaralang GC?

Mas marami ka bang natutunan sa online class? o mas marami kang natutunan sa offline class? 

Iba talaga yung face to face, kasi sino ba naman ang ayaw makita si crush sa personal ng walang mask. Yung kopyahan at tsimisan sa tunay na buhay na hindi maikukumpara sa nakakawalang ganang taong-bahay na pamumuhay. Iba yung hawak-hawak mo s'ya, iba rin yung makakahinga ka ng di mo naaamoy yung sarili mong hininga.

Isa lang naman ang hiling natin diba? na sana matapos na ang pandemya.

Na sana matapos na ang module, na sana wala kang tinatagong iba.

Na sana mag-aaral lang tayo, ng hindi inuutusan bumili. 

Na sana magising tayo hindi sa rason na matutulog ulit.

Muli akong magtatanong, online class o offline class? 

Talumpati tungkol sa Kahirapan

Tinatamaang mambabasa : Mga kabaranggay

Sa ilang taon kung pamumuhay dito sa Mundo. Halos karamihan ay mahihirap. Ang KAHIRAPAN ay matagal ng sakit ng bayan , OO masasabi nating Ang KAHIRAPAN ay mahirap lutasin, ngunit Ang Isang dahilan ng ating KAHIRAPAN ay Ang KATAMARAN. Tinatamad tayong tumayo sa sarili nating paa, upang maghanap ng opurtunidad na pweding makalutas sa problemang ito, at base sa aking napansin nawawalan na ng presensya Ang mga Filipino ng pagiging matiyaga.

Sa dulot ng KAHIRAPAN may ibang nagnanakaw , para lang may makain , may iba ring nagdodroga para lang malampasan Ang gutom na nararamdaman nila , at halos lahat ng mahihirap mga wlang pinag -aralan kaya't Hindi sila makahanap ng trabaho. Ang Isang problema Rin sa mga mahihirap ay kulang sa disiplina , alam na nilang hirap na Sila sa buhay ,pag wla na lng wla na lng , Hindi dpat ganun , dapt Tayo ay matotong dimiskarte .

Para sa akin Ang una Kong sulosyon para sa problemang ito ay bigyan kalidad na edukasyon , alam ko iisipin nila na " MAS MABUTI PANG MAG TRABAHO KAYSA MAG -ARAL " . Pero Sabi nga nila " " EDUCATION IS THE KEY TO SUCCESS " . Pangalawa nmn dapat Tayo Ang laging may tiyaga sa buhay , dapat huwag lagi tayong mawawalan ng pag asa , at wag ding panghinaan ng loob. Dahil naniniwala ako na kapag Tayo ay nagsumikap sa buhay makakaahon din Tayo sa hirap at giginhawa Ang ating buhay .

Ako bilang Isang mahirap naranasan ko at naramdamn kung paano maging Isang mahirap yong tipong wlang wla ka ng makain , at wlang wla kang malapitan , pero Sabi nga ni mama " KUNG WLANG WLA MATUTUNG DUMISKARTE KUNG KAYA NMN AY HUMANAP O LUTASIN ITO "
Minsan dahil sa mga karanasan , ito ay nagiging silbing insperasyon upang mag sumikap sa buhay .

Talumpati tungkol sa droga

Tinatamaang mambabasa : Mga Kabataan

Minsan, kaakibat ng pag unlad ng isang lipunan ang pagtaas ng datus ng mga krimen na kanilang kinakasangkutan, isa na rito ang pag lala ng paggamit ng ipinagbabawal na gamot.

Ang paggamit ng ipinagbabawal na gamot ay nag dudulot ng maraming hindi kanais-nais na epekto lalo na sa pisikal at mental na kalusugan ng isang tao.

Walang pinipili ang mga nagiging biktima ng droga - mayaman, mahirap bata matanda, ang lahat ay napapariwara.

Marami ang itinutulong dahil kung bakit marami ang nalulong sa pinagbabawal na droga. Kahirapan ang isa na rito.

Dahil labis na kahirapan sa buhay ay ginagawa na nila ito ng paraan para pansamantalang makalimutan nila ang kanilang mga suliranin.

Ang mga iba naman ay ginagawa na nilang hanap-buhay ang pagtitinda ng droga.

Kahit ang kanilang mga asawang iniibig ang kanilang napagbubuhatan ng kamay kapag wala na sila sa tamang pag-iisip.

Ang pinakamasaklap pa sa ating lipunan ay kabataan ang karamihan sa mga nasasangkot at nabibiktima sa bawal na droga. Marami na ang mga namatay at marami na rin ang mga nakulong, pero wala pa ring pagbabago.

Talamak pa rin ito sa ating lipunan. Mistulang kanser na ito sa ating lipunan. Karamiham sa mga karumal-dumal na krimen na naitatala ay nag-uugat sa pagtutulak or paggamit ng droga. Lulong at bangag ang karamihan sa mga salarin.

Talumpati tungkol sa Bullying

Tinatamaang mambabasa : Mga estudyante

“Bobo!” Isang salita na binubuo ng apat na letra na may iisang ibig-sabihin at madaling bigkasin ngunit isang kalusugang pangka-isipan rin ang naaapektuhan.

Isang pagbati ng MAGANDANG araw sa ating lahat. Nais kong kunin ang inyong atensyon na mapagtuunan ng pansin at ipahayag ang isang maikling talumpati. Bago ako magsimula sa aking talumpati “Naranasan mo na bang ma-bully? Bakit laganap at may nabibiktima ng pagbu-bully? Ano ba ang epekto ng pangbu-bully sa isang kabataan na tulad mo?

Ang bullying ay nangyayari sa kabataan, lalo na sa loob ng paaralan. Oo! mayroong mga ganitong tao na walang ibang nais gawin kundi ang mang-alipusta, labis na manira, manakot at manakit mapa pisikal man o emosyonal na aspeto ng indibidwal.

Ang mga kabataang nabibiktima ng pangbu-bully ay bumababa ang kanilang moral at tiwala sa kanilang sarili, at ang iba naman ay humahantong sa tuluyang depresyon na halos ayaw nang makipagsalamuha sa kapwa.
Tulad na laman ng isang batang itago natin sa pangalan na “LEIS” na isang biktima ng pangbu-bully, noong siya ay sampung taong gulang, sa murang edad ay nakaranas ng sukudulang pangbu-bully, dahil sa kulay ng kanyang balat tinatawag siya sa ibat ibang bansag tulad ng “uling, sunog tutong at iba pa” Marahil sa kanyang karanasan ay labis itong nagpalungkot sa kanya, at siya ay nawalan ng bilib sa kanyang kakayahan na nakapag pababa sa kanyang tiwala sa sarili na nagpalumo sa kanya.

Iilan lamang iyan sa rason kung bakit maraming kabataan ang naghihirap dahil sa pangbu-bully. Ang aking layunin sa talumpating ito ay upang ipagbigay alam ang mga nararanasan na paghihirap ng mga kabataang nakakaranas ng pangbu-bully.

Walang magandang naidudulot ang paging bully sa kapwa, bagkus ay kapahamakan lamang ang ating kahihinatnan kapag ganito ang ating asal.

Nakakaranas ng pangbu-bully ang ibang kabataan dahil sa kanilang kulay, laki, itsura, kasarian, at iba pa na hindi dapat pinaparaya.

Related Posts

• Abstrak
• Sintesis/Buod
• Bionote
• Panukalang Proyekto
• Katitikan ng Pulong
• Posisyong Papel